by Salat Al Istikhara aik namaz hay jo kah sotay waqat kia jata hay takeh jo bhi hamara maqsad hay ya hamara kaam hay us kay baray mein hamein khawab mein ishara mil jay. Salat Al Istikhara kay baray mein hum nay isi website mein dusray articles mein bohat kuch likha hay. aap chahein tow sari details wahan say parh saktay hein.
is article mein hum aap ko mukhtasir itna bata detay hein kah istikhara bohat hi achi cheez hay. yah aisi lajawab cheez hay kah yah aap ko gumrah nahi honay deti. jab bhi koi kaam ho ya koi faila karna ho aur aap ko pata nahi us mein aap ko faida ho ga ya nuqsan ho ga tou sab say bahtar hay Allah say mashwara karein yani istikhara karen. Aqalmand log kahtay hein mashwara karo chahay deewar say hi kion na karo.
istikhara kay baray mein chand zaruri cheezen smajh lein. agar aap aik baar istikhara karwa lein ya kar lein tow us kay nateejay par amal karna zaruri hota hay. ya tow istikhara karawein hi na aur apni marzi par amal karen lekin aik baar agar istikhara kar lia hay tow us kay result par amal karna zaruri hota hay warna nuqsan hota hay.
dusri important cheez istikharay mein yah hay kah aap ko aap kay maqsad kay baray mein khawab aaye ga. lekin us khawab mein aap ko ishara milay ga. lekin is isharay ko samajhna har shakhs kay bas ki baat nahi hay. kabhi hum isharay ka matlab ghalat nikal letay hein jis say hamein nuqsan uthana partahay. is liye behtar hay kah istikharah kisi mahir aamil say karwaein jo khawabo ki tabeer janta ho.
